आबू बुझैत छी जे सेक्शन 194A मे कोना TDS काटल जायत छै, कतेक काटल जायत, किनकर काटल जायत सभटा अहि आलेखके मदति सँ बुझैत छी।
सेक्शन 194A की अछि?
सेक्शन 194A मे TDS जे काटल जायत छै ओ सुदि पर काटल जायत छै, सेक्युरिटीके सुदिके छोड़ि कय। जेना फिक्स्ड डिपाजिट, लोन अथवा एडवांसके सुदि (बैंकके जँ सुदि दय रहल छी तँ ओ छोड़ि कय) आदिके सुदि पर जे टीडीएस काटल जायत छै से 194A सेक्शनमे काटल जायत छै।
सेक्शन 194A ककरा पर लागू होयत अछि?
सेक्शन 194A, Resident पर लागू होयत अछि। जँ कोनो Non-Resident के सुदि दय रहल छी तँ ओकरा पर इ सेक्शन सँ टीडीएस नहि काटल जेतय।
Non-Resident के देल जाय वला सुदि पर सेहो टीडीएस काटल जायत छै आओर ओ सेक्शन 195 के अन्तर्गत टीडीएस काटल जायत छै।
सेक्शन 194A मे कखनि टीडीएस कटबाक चाही?
[post_ads]:
अहिमे दूटा बात छै। पहिल बात इ अछि जखनि सुदि देबय वला बैंक, कोऑपरेटिव सोसाइटी जे बैंकिंग व्यापरमे अछि अथवा पोस्ट ऑफिसके ओ स्कीम सभ जे सेन्ट्रल सरकार द्वारा आनल जायत अछि मे सुदिके राशि एकटा वित्तीय वर्षमे 40,000.00 टका भ' जायत अछि तँ टीडीएस कटबाक चाही।
दोसर अहिके छोड़ि कय बाकी सभ जे सुदि दय छथि जँ सुदिके राशि जँ 5000.00 टका भ' जायत अछि तँ टीडीएस कटबाक चाही।
वित्तीय वर्ष 2018-19 सँ सीनियर सिटीजन लेल 50,000.00 टका सुदि तक टीडीएस नहि कटबाक छै जँ ओ सुदि बैंक अथवा पोस्ट ऑफिसमे डिपाजिट सँ, फिक्स्ड डिपाजिट सँ अथवा रेकरिंग डिपाजिट सँ अबैत अछि।
सेक्शन 194Aमे टीडीएस काटयके की दर अछि?
[post_ads_2]:
जँ सुदि लयनिहार/लयनिहारि लग पैन छै तँ 10% टीडीएस काटयके दर छै (14 मई 2020 सँ 31 मार्च 2021 तक कोविड रिलीफके अन्तर्गत इ रेट 7.5% कय देल गेल छल)
जँ सुदि लयनिहार/लयनिहारि लग पैन नहि छै तँ 20% टीडीएस काटयके दर छै।
टिप्पणी